Josué 21

¹ וַֽיִּגְּשׁ֗וּ רָאשֵׁי֙ אֲבֹ֣ות הַלְוִיִּ֔ם אֶל־אֶלְעָזָר֙ הַכֹּהֵ֔ן וְאֶל־יְהֹושֻׁ֖עַ בִּן־נ֑וּן וְאֶל־רָאשֵׁ֛י אֲבֹ֥ות הַמַּטֹּ֖ות לִבְנֵ֥י יִשְׂרָאֵֽל׃ wayigeshu raʾshey ʾavowt halewiyim ʾel־ʾeleʿazar hakohen weʾel־yehowshuaʿ bin־nun weʾel־raʾshey ʾavowt hamaṭowt liveney yiseraʾel׃

² וַיְדַבְּר֨וּ אֲלֵיהֶ֜ם בְּשִׁלֹ֗ה בְּאֶ֤רֶץ כְּנַ֙עַן֙ לֵאמֹ֔ר יְהוָה֙ צִוָּ֣ה בְיַד־מֹשֶׁ֔ה לָֽתֶת־לָ֥נוּ עָרִ֖ים לָשָׁ֑בֶת וּמִגְרְשֵׁיהֶ֖ן לִבְהֶמְתֵּֽנוּ׃ wayedaberu ʾaleyhem beshiloh beʾerets kenaʿan leʾmor yehwah tsiuah veyad־mosheh latet־lanu ʿariym lashavet umigeresheyhen livehemetenu׃

³ וַיִּתְּנ֨וּ בְנֵי־יִשְׂרָאֵ֧ל לַלְוִיִּ֛ם מִנַּחֲלָתָ֖ם אֶל־פִּ֣י יְהוָ֑ה אֶת־הֶעָרִ֥ים הָאֵ֖לֶּה וְאֶת־מִגְרְשֵׁיהֶֽן׃ wayitenu veney־yiseraʾel lalewiyim minaḥalatam ʾel־piy yehwah ʾet־heʿariym haʾeleh weʾet־migeresheyhen׃

⁴ וַיֵּצֵ֥א הַגֹּורָ֖ל לְמִשְׁפְּחֹ֣ת הַקְּהָתִ֑י וַיְהִ֡י לִבְנֵי֩ אַהֲרֹ֨ן הַכֹּהֵ֜ן מִן־הַלְוִיִּ֗ם מִמַּטֵּ֣ה יְ֠הוּדָה וּמִמַּטֵּ֨ה הַשִּׁמְעֹנִ֜י וּמִמַּטֵּ֤ה בִנְיָמִן֙ בַּגֹּורָ֔ל עָרִ֖ים שְׁלֹ֥שׁ עֶשְׂרֵֽה׃ ס wayetseʾ hagowral lemishepeḥot haqehatiy wayehiy liveney ʾaharon hakohen min־halewiyim mimaṭeh yehudah umimaṭeh hashimeʿoniy umimaṭeh vineyamin bagowral ʿariym shelosh ʿesereh׃ s

⁵ וְלִבְנֵ֨י קְהָ֜ת הַנֹּותָרִ֗ים מִמִּשְׁפְּחֹ֣ת מַטֵּֽה־אֶ֠פְרַיִם וּֽמִמַּטֵּה־דָ֞ן וּמֵחֲצִ֨י מַטֵּ֧ה מְנַשֶּׁ֛ה בַּגֹּורָ֖ל עָרִ֥ים עָֽשֶׂר׃ ס weliveney qehat hanowtariym mimishepeḥot maṭeh־ʾeferayim umimaṭeh־dan umeḥatsiy maṭeh menasheh bagowral ʿariym ʿaser׃ s

⁶ וְלִבְנֵ֣י גֵרְשֹׁ֗ון מִמִּשְׁפְּחֹ֣ות מַטֵּֽה־יִשָּׂשכָ֣ר וּמִמַּטֵּֽה־אָ֠שֵׁר וּמִמַּטֵּ֨ה נַפְתָּלִ֜י וּ֠מֵחֲצִי מַטֵּ֨ה מְנַשֶּׁ֤ה בַבָּשָׁן֙ בַּגֹּורָ֔ל עָרִ֖ים שְׁלֹ֥שׁ עֶשְׂרֵֽה׃ ס weliveney gereshown mimishepeḥowt maṭeh־yisashkhar umimaṭeh־ʾasher umimaṭeh nafetaliy umeḥatsiy maṭeh menasheh vabashan bagowral ʿariym shelosh ʿesereh׃ s

⁷ לִבְנֵ֨י מְרָרִ֜י לְמִשְׁפְּחֹתָ֗ם מִמַּטֵּ֨ה רְאוּבֵ֤ן וּמִמַּטֵּה־גָד֙ וּמִמַּטֵּ֣ה זְבוּלֻ֔ן עָרִ֖ים שְׁתֵּ֥ים עֶשְׂרֵֽה׃ liveney merariy lemishepeḥotam mimaṭeh reʾuven umimaṭeh־gad umimaṭeh zevulun ʿariym sheteym ʿesereh׃

⁸ וַיִּתְּנ֤וּ בְנֵֽי־יִשְׂרָאֵל֙ לַלְוִיִּ֔ם אֶת־הֶעָרִ֥ים הָאֵ֖לֶּה וְאֶת־מִגְרְשֵׁיהֶ֑ן כַּאֲשֶׁ֨ר צִוָּ֧ה יְהוָ֛ה בְּיַד־מֹשֶׁ֖ה בַּגֹּורָֽל׃ פ wayitenu veney־yiseraʾel lalewiyim ʾet־heʿariym haʾeleh weʾet־migeresheyhen kaʾasher tsiuah yehwah beyad־mosheh bagowral׃ f

Note · Josué 21.1–8

Le rappel d’une promesse appelle une contribution des autres

Les représentants de Lévi ne se contentent pas d’un titre honorifique. Ils demandent les villes et les espaces nécessaires aux troupeaux. Le don prélevé sur les parts tribales traduit matériellement un service commun. Le texte peut ainsi interroger une communauté qui louerait un ministère tout en refusant de considérer les conditions de vie de ceux qui l’exercent.

⁹ וַֽיִּתְּנ֗וּ מִמַּטֵּה֙ בְּנֵ֣י יְהוּדָ֔ה וּמִמַּטֵּ֖ה בְּנֵ֣י שִׁמְעֹ֑ון אֵ֚ת הֶֽעָרִ֣ים הָאֵ֔לֶּה אֲשֶׁר־יִקְרָ֥א אֶתְהֶ֖ן בְּשֵֽׁם׃ wayitenu mimaṭeh beney yehudah umimaṭeh beney shimeʿown ʾet heʿariym haʾeleh ʾasher־yiqeraʾ ʾetehen beshem׃

¹⁰ וַֽיְהִי֙ לִבְנֵ֣י אַהֲרֹ֔ן מִמִּשְׁפְּחֹ֥ות הַקְּהָתִ֖י מִבְּנֵ֣י לֵוִ֑י כִּ֥י לָהֶ֛ם הָיָ֥ה הַגֹּורָ֖ל רִיאשֹׁנָֽה׃ wayehiy liveney ʾaharon mimishepeḥowt haqehatiy mibeney lewiy kiy lahem hayah hagowral riyʾshonah׃

¹¹ וַיִּתְּנ֨וּ לָהֶ֜ם אֶת־קִרְיַת֩ אַרְבַּ֨ע אֲבִ֧י הָֽעֲנֹ֛וק הִ֥יא חֶבְרֹ֖ון בְּהַ֣ר יְהוּדָ֑ה וְאֶת־מִגְרָשֶׁ֖הָ סְבִיבֹתֶֽיהָ׃ wayitenu lahem ʾet־qireyat ʾarebaʿ ʾaviy haʿanowq hiyʾ ḥeverown behar yehudah weʾet־migerasheah seviyvoteyha׃

¹² וְאֶת־שְׂדֵ֥ה הָעִ֖יר וְאֶת־חֲצֵרֶ֑יהָ נָֽתְנ֛וּ לְכָלֵ֥ב בֶּן־יְפֻנֶּ֖ה בַּאֲחֻזָּתֹֽו׃ ס weʾet־sedeh haʿiyr weʾet־ḥatsereyha natenu lekhalev ben־yefuneh baʾaḥuzatow׃ s

¹³ וְלִבְנֵ֣י ׀ אַהֲרֹ֣ן הַכֹּהֵ֗ן נָֽתְנוּ֙ אֶת־עִיר֙ מִקְלַ֣ט הָרֹצֵ֔חַ אֶת־חֶבְרֹ֖ון וְאֶת־מִגְרָשֶׁ֑הָ וְאֶת־לִבְנָ֖ה וְאֶת־מִגְרָשֶֽׁהָ׃ weliveney ׀ ʾaharon hakohen natenu ʾet־ʿiyr miqelaṭ harotseaḥ ʾet־ḥeverown weʾet־migerasheah weʾet־livenah weʾet־migerasheah׃

¹⁴ וְאֶת־יַתִּר֙ וְאֶת־מִגְרָשֶׁ֔הָ וְאֶת־אֶשְׁתְּמֹ֖עַ וְאֶת־מִגְרָשֶֽׁהָ׃ weʾet־yatir weʾet־migerasheah weʾet־ʾeshetemoaʿ weʾet־migerasheah׃

¹⁵ וְאֶת־חֹלֹן֙ וְאֶת־מִגְרָשֶׁ֔הָ וְאֶת־דְּבִ֖ר וְאֶת־מִגְרָשֶֽׁהָ׃ weʾet־ḥolon weʾet־migerasheah weʾet־devir weʾet־migerasheah׃

¹⁶ וְאֶת־עַ֣יִן וְאֶת־מִגְרָשֶׁ֗הָ וְאֶת־יֻטָּה֙ וְאֶת־מִגְרָשֶׁ֔הָ אֶת־בֵּ֥ית שֶׁ֖מֶשׁ וְאֶת־מִגְרָשֶׁ֑הָ עָרִ֣ים תֵּ֔שַׁע מֵאֵ֕ת שְׁנֵ֥י הַשְּׁבָטִ֖ים הָאֵֽלֶּה׃ פ weʾet־ʿayin weʾet־migerasheah weʾet־yuṭah weʾet־migerasheah ʾet־beyt shemesh weʾet־migerasheah ʿariym teshaʿ meʾet sheney hashevaṭiym haʾeleh׃ f

¹⁷ וּמִמַּטֵּ֣ה בִנְיָמִ֔ן אֶת־גִּבְעֹ֖ון וְאֶת־מִגְרָשֶׁ֑הָ אֶת־גֶּ֖בַע וְאֶת־מִגְרָשֶֽׁהָ׃ umimaṭeh vineyamin ʾet־giveʿown weʾet־migerasheah ʾet־gevaʿ weʾet־migerasheah׃

¹⁸ אֶת־עֲנָתֹות֙ וְאֶת־מִגְרָשֶׁ֔הָ וְאֶת־עַלְמֹ֖ון וְאֶת־מִגְרָשֶׁ֑הָ עָרִ֖ים אַרְבַּֽע׃ ʾet־ʿanatowt weʾet־migerasheah weʾet־ʿalemown weʾet־migerasheah ʿariym ʾarebaʿ׃

¹⁹ כָּל־עָרֵ֥י בְנֵֽי־אַהֲרֹ֖ן הַכֹּֽהֲנִ֑ים שְׁלֹשׁ־עֶשְׂרֵ֥ה עָרִ֖ים וּמִגְרְשֵׁיהֶֽן׃ ס kal־ʿarey veney־ʾaharon hakohaniym shelosh־ʿesereh ʿariym umigeresheyhen׃ s

Note · Josué 21.9–19

Hébron associe plusieurs droits qu’il faut distinguer

Les fils d’Aaron reçoivent des villes dans plusieurs tribus. À Hébron, le texte précise que le territoire environnant et les villages restent à Caleb, tandis que la ville et ses abords sont attribués au service lévitique. Les mentions antérieures de Caleb ne doivent donc pas être lues comme si elles excluaient toute autre fonction du lieu.

²⁰ וּלְמִשְׁפְּחֹ֤ות בְּנֵֽי־קְהָת֙ הַלְוִיִּ֔ם הַנֹּותָרִ֖ים מִבְּנֵ֣י קְהָ֑ת וַֽיְהִי֙ עָרֵ֣י גֹֽורָלָ֔ם מִמַּטֵּ֖ה אֶפְרָֽיִם׃ ulemishepeḥowt beney־qehat halewiyim hanowtariym mibeney qehat wayehiy ʿarey gowralam mimaṭeh ʾeferayim׃

²¹ וַיִּתְּנ֨וּ לָהֶ֜ם אֶת־עִ֨יר מִקְלַ֧ט הָרֹצֵ֛חַ אֶת־שְׁכֶ֥ם וְאֶת־מִגְרָשֶׁ֖הָ בְּהַ֣ר אֶפְרָ֑יִם וְאֶת־גֶּ֖זֶר וְאֶת־מִגְרָשֶֽׁהָ׃ wayitenu lahem ʾet־ʿiyr miqelaṭ harotseaḥ ʾet־shekhem weʾet־migerasheah behar ʾeferayim weʾet־gezer weʾet־migerasheah׃

²² וְאֶת־קִבְצַ֙יִם֙ וְאֶת־מִגְרָשֶׁ֔הָ וְאֶת־בֵּ֥ית חֹורֹ֖ן וְאֶת־מִגְרָשֶׁ֑הָ עָרִ֖ים אַרְבַּֽע׃ ס weʾet־qivetsayim weʾet־migerasheah weʾet־beyt ḥowron weʾet־migerasheah ʿariym ʾarebaʿ׃ s

²³ וּמִמַּ֨טֵּה־דָ֔ן אֶֽת־אֶלְתְּקֵ֖א וְאֶת־מִגְרָשֶׁ֑הָ אֶֽת־גִּבְּתֹ֖ון וְאֶת־מִגְרָשֶֽׁהָ׃ umimaṭeh־dan ʾet־ʾeleteqeʾ weʾet־migerasheah ʾet־gibetown weʾet־migerasheah׃

²⁴ אֶת־אַיָּלֹון֙ וְאֶת־מִגְרָשֶׁ֔הָ אֶת־גַּת־רִמֹּ֖ון וְאֶת־מִגְרָשֶׁ֑הָ עָרִ֖ים אַרְבַּֽע׃ ס ʾet־ʾayalown weʾet־migerasheah ʾet־gat־rimown weʾet־migerasheah ʿariym ʾarebaʿ׃ s

²⁵ וּמִֽמַּחֲצִית֙ מַטֵּ֣ה מְנַשֶּׁ֔ה אֶת־תַּעְנַךְ֙ וְאֶת־מִגְרָשֶׁ֔הָ וְאֶת־גַּת־רִמֹּ֖ון וְאֶת־מִגְרָשֶׁ֑הָ עָרִ֖ים שְׁתָּֽיִם׃ umimaḥatsiyt maṭeh menasheh ʾet־taʿenakhe weʾet־migerasheah weʾet־gat־rimown weʾet־migerasheah ʿariym shetayim׃

²⁶ כָּל־עָרִ֥ים עֶ֖שֶׂר וּמִגְרְשֵׁיהֶ֑ן לְמִשְׁפְּחֹ֥ות בְּנֵֽי־קְהָ֖ת הַנֹּותָרִֽים׃ ס kal־ʿariym ʿeser umigeresheyhen lemishepeḥowt beney־qehat hanowtariym׃ s

²⁷ וְלִבְנֵ֣י גֵרְשֹׁון֮ מִמִּשְׁפְּחֹ֣ת הַלְוִיִּם֒ מֵחֲצִ֞י מַטֵּ֣ה מְנַשֶּׁ֗ה אֶת־עִיר֙ מִקְלַ֣ט הָרֹצֵ֔חַ אֶת־ [גָּלֹון כ] (גֹּולָ֤ן ק) בַּבָּשָׁן֙ וְאֶת־מִגְרָשֶׁ֔הָ וְאֶֽת־בְּעֶשְׁתְּרָ֖ה וְאֶת־מִגְרָשֶׁ֑הָ עָרִ֖ים שְׁתָּֽיִם׃ ס weliveney gereshown mimishepeḥot halewiyim meḥatsiy maṭeh menasheh ʾet־ʿiyr miqelaṭ harotseaḥ ʾet־ [galown kh] (gowlan q) babashan weʾet־migerasheah weʾet־beʿesheterah weʾet־migerasheah ʿariym shetayim׃ s

²⁸ וּמִמַּטֵּ֣ה יִשָּׂשכָ֔ר אֶת־קִשְׁיֹ֖ון וְאֶת־מִגְרָשֶׁ֑הָ אֶת־דָּֽבְרַ֖ת וְאֶת־מִגְרָשֶֽׁהָ׃ umimaṭeh yisashkhar ʾet־qisheyown weʾet־migerasheah ʾet־daverat weʾet־migerasheah׃

²⁹ אֶת־יַרְמוּת֙ וְאֶת־מִגְרָשֶׁ֔הָ אֶת־עֵ֥ין גַּנִּ֖ים וְאֶת־מִגְרָשֶׁ֑הָ עָרִ֖ים אַרְבַּֽע׃ ס ʾet־yaremut weʾet־migerasheah ʾet־ʿeyn ganiym weʾet־migerasheah ʿariym ʾarebaʿ׃ s

³⁰ וּמִמַּטֵּ֣ה אָשֵׁ֔ר אֶת־מִשְׁאָ֖ל וְאֶת־מִגְרָשֶׁ֑הָ אֶת־עַבְדֹּ֖ון וְאֶת־מִגְרָשֶֽׁהָ׃ umimaṭeh ʾasher ʾet־misheʾal weʾet־migerasheah ʾet־ʿavedown weʾet־migerasheah׃

³¹ אֶת־חֶלְקָת֙ וְאֶת־מִגְרָשֶׁ֔הָ וְאֶת־רְחֹ֖ב וְאֶת־מִגְרָשֶׁ֑הָ עָרִ֖ים אַרְבַּֽע׃ ס ʾet־ḥeleqat weʾet־migerasheah weʾet־reḥov weʾet־migerasheah ʿariym ʾarebaʿ׃ s

³² וּמִמַּטֵּ֨ה נַפְתָּלִ֜י אֶת־עִ֣יר ׀ מִקְלַ֣ט הָֽרֹצֵ֗חַ אֶת־קֶ֨דֶשׁ בַּגָּלִ֤יל וְאֶת־מִגְרָשֶׁ֙הָ֙ וְאֶת־חַמֹּ֥ת דֹּאר֙ וְאֶת־מִגְרָשֶׁ֔הָ וְאֶת־קַרְתָּ֖ן וְאֶת־מִגְרָשֶׁ֑הָ עָרִ֖ים שָׁלֹֽשׁ׃ umimaṭeh nafetaliy ʾet־ʿiyr ׀ miqelaṭ harotseaḥ ʾet־qedesh bagaliyl weʾet־migerasheah weʾet־ḥamot doʾr weʾet־migerasheah weʾet־qaretan weʾet־migerasheah ʿariym shalosh׃

³³ כָּל־עָרֵ֥י הַגֵּרְשֻׁנִּ֖י לְמִשְׁפְּחֹתָ֑ם שְׁלֹשׁ־עֶשְׂרֵ֥ה עִ֖יר וּמִגְרְשֵׁיהֶֽן׃ ס kal־ʿarey hagereshuniy lemishepeḥotam shelosh־ʿesereh ʿiyr umigeresheyhen׃ s

Note · Josué 21.20–33

Les familles de Lévi sont présentes au milieu des autres

Les autres Kehathites et les descendants de Guershôn reçoivent des villes réparties entre plusieurs héritages. Des villes de refuge figurent dans ces attributions, associant service et protection judiciaire. La dispersion lévitique relie des territoires différents sans créer une tribu propriétaire d’un ensemble comparable à celui de Juda ou de Joseph.

³⁴ וּלְמִשְׁפְּחֹ֣ות בְּנֵֽי־מְרָרִי֮ הַלְוִיִּ֣ם הַנֹּותָרִים֒ מֵאֵת֙ מַטֵּ֣ה זְבוּלֻ֔ן אֶֽת־יָקְנְעָ֖ם וְאֶת־מִגְרָשֶׁ֑הָ אֶת־קַרְתָּ֖ה וְאֶת־מִגְרָשֶֽׁהָ׃ ulemishepeḥowt beney־merariy halewiyim hanowtariym meʾet maṭeh zevulun ʾet־yaqeneʿam weʾet־migerasheah ʾet־qaretah weʾet־migerasheah׃

³⁵ אֶת־דִּמְנָה֙ וְאֶת־מִגְרָשֶׁ֔הָ אֶֽת־נַהֲלָ֖ל וְאֶת־מִגְרָשֶׁ֑הָ עָרִ֖ים אַרְבַּֽע׃ ʾet־dimenah weʾet־migerasheah ʾet־nahalal weʾet־migerasheah ʿariym ʾarebaʿ׃

³⁶ וּמִמַּטֵּ֣ה רְאוּבֵ֔ן אֶת־בֶּ֖צֶר וְאֶת־מִגְרָשֶׁ֑הָ וְאֶת־יַ֖הְצָה וְאֶת־מִגְרָשֶֽׁהָ׃ umimaṭeh reʾuven ʾet־betser weʾet־migerasheah weʾet־yahetsah weʾet־migerasheah׃

³⁷ אֶת־קְדֵמֹות֙ וְאֶת־מִגְרָשֶׁ֔הָ וְאֶת־מֵיפָ֖עַת וְאֶת־מִגְרָשֶׁ֑הָ עָרִ֖ים אַרְבַּֽע׃ ס ʾet־qedemowt weʾet־migerasheah weʾet־meyfaʿat weʾet־migerasheah ʿariym ʾarebaʿ׃ s

³⁸ וּמִמַּטֵּה־גָ֗ד אֶת־עִיר֙ מִקְלַ֣ט הָרֹצֵ֔חַ אֶת־רָמֹ֥ת בַּגִּלְעָ֖ד וְאֶת־מִגְרָשֶׁ֑הָ וְאֶֽת־מַחֲנַ֖יִם וְאֶת־מִגְרָשֶֽׁהָ׃ umimaṭeh־gad ʾet־ʿiyr miqelaṭ harotseaḥ ʾet־ramot bagileʿad weʾet־migerasheah weʾet־maḥanayim weʾet־migerasheah׃

³⁹ אֶת־חֶשְׁבֹּון֙ וְאֶת־מִגְרָשֶׁ֔הָ אֶת־יַעְזֵ֖ר וְאֶת־מִגְרָשֶׁ֑הָ כָּל־עָרִ֖ים אַרְבַּֽע׃ ʾet־ḥeshebown weʾet־migerasheah ʾet־yaʿezer weʾet־migerasheah kal־ʿariym ʾarebaʿ׃

⁴⁰ כָּל־הֶ֨עָרִ֜ים לִבְנֵ֤י מְרָרִי֙ לְמִשְׁפְּחֹתָ֔ם הַנֹּותָרִ֖ים מִמִּשְׁפְּחֹ֣ות הַלְוִיִּ֑ם וַיְהִי֙ גֹּורָלָ֔ם עָרִ֖ים שְׁתֵּ֥ים עֶשְׂרֵֽה׃ kal־heʿariym liveney merariy lemishepeḥotam hanowtariym mimishepeḥowt halewiyim wayehiy gowralam ʿariym sheteym ʿesereh׃

⁴¹ כֹּ֚ל עָרֵ֣י הַלְוִיִּ֔ם בְּתֹ֖וךְ אֲחֻזַּ֣ת בְּנֵֽי־יִשְׂרָאֵ֑ל עָרִ֛ים אַרְבָּעִ֥ים וּשְׁמֹנֶ֖ה וּמִגְרְשֵׁיהֶֽן׃ kol ʿarey halewiyim betowkhe ʾaḥuzat beney־yiseraʾel ʿariym ʾarebaʿiym ushemoneh umigeresheyhen׃

⁴² תִּֽהְיֶ֙ינָה֙ הֶעָרִ֣ים הָאֵ֔לֶּה עִ֣יר עִ֔יר וּמִגְרָשֶׁ֖יהָ סְבִיבֹתֶ֑יהָ כֵּ֖ן לְכָל־הֶעָרִ֥ים הָאֵֽלֶּה׃ ס tiheyeynah heʿariym haʾeleh ʿiyr ʿiyr umigerasheyha seviyvoteyha ken lekhal־heʿariym haʾeleh׃ s

Note · Josué 21.34–42

Le nombre total rassemble des lieux concrets d’habitation

Les descendants de Merari complètent la répartition, dont le total annoncé est de quarante-huit villes. Chacune est accompagnée de ses abords. Le souci de l’espace matériel revient ainsi jusqu’au bilan : avoir Dieu pour héritage, selon le langage des chapitres précédents, ne retire pas aux personnes les besoins de la vie ordinaire.

⁴³ וַיִּתֵּ֤ן יְהוָה֙ לְיִשְׂרָאֵ֔ל אֶת־כָּל־הָאָ֔רֶץ אֲשֶׁ֥ר נִשְׁבַּ֖ע לָתֵ֣ת לַאֲבֹותָ֑ם וַיִּרָשׁ֖וּהָ וַיֵּ֥שְׁבוּ בָֽהּ׃ wayiten yehwah leyiseraʾel ʾet־kal־haʾarets ʾasher nishebaʿ latet laʾavowtam wayirashuah wayeshevu vah׃

⁴⁴ וַיָּ֨נַח יְהוָ֤ה לָהֶם֙ מִסָּבִ֔יב כְּכֹ֥ל אֲשֶׁר־נִשְׁבַּ֖ע לַאֲבֹותָ֑ם וְלֹא־עָ֨מַד אִ֤ישׁ בִּפְנֵיהֶם֙ מִכָּל־אֹ֣יְבֵיהֶ֔ם אֵ֚ת כָּל־אֹ֣יְבֵיהֶ֔ם נָתַ֥ן יְהוָ֖ה בְּיָדָֽם׃ wayanaḥ yehwah lahem misaviyv kekhol ʾasher־nishebaʿ laʾavowtam weloʾ־ʿamad ʾiysh bifeneyhem mikal־ʾoyeveyhem ʾet kal־ʾoyeveyhem natan yehwah beyadam׃

⁴⁵ לֹֽא־נָפַ֣ל דָּבָ֔ר מִכֹּל֙ הַדָּבָ֣ר הַטֹּ֔וב אֲשֶׁר־דִּבֶּ֥ר יְהוָ֖ה אֶל־בֵּ֣ית יִשְׂרָאֵ֑ל הַכֹּ֖ל בָּֽא׃ פ loʾ־nafal davar mikol hadavar haṭowv ʾasher־diber yehwah ʾel־beyt yiseraʾel hakol baʾ׃ f

Note · Josué 21.43–45

La fidélité reconnue ne dispense pas de lire les limites déjà dites

Le sommaire affirme le don du pays et le repos. Le même livre a pourtant nommé des habitants non chassés et des tâches inachevées. Le bilan est une parole de reconnaissance globale, qui ne doit pas être forcée en inventaire exhaustif d’un contrôle territorial parfait ; la suite demandera encore fidélité et discernement.