Nombres 23

¹ וַיֹּ֤אמֶר בִּלְעָם֙ אֶל־בָּלָ֔ק בְּנֵה־לִ֥י בָזֶ֖ה שִׁבְעָ֣ה מִזְבְּחֹ֑ת וְהָכֵ֥ן לִי֙ בָּזֶ֔ה שִׁבְעָ֥ה פָרִ֖ים וְשִׁבְעָ֥ה אֵילִֽים׃ wayoʾmer bileʿam ʾel־balaq beneh־liy vazeh shiveʿah mizebeḥot wehakhen liy bazeh shiveʿah fariym weshiveʿah ʾeyliym׃

² וַיַּ֣עַשׂ בָּלָ֔ק כַּאֲשֶׁ֖ר דִּבֶּ֣ר בִּלְעָ֑ם וַיַּ֨עַל בָּלָ֧ק וּבִלְעָ֛ם פָּ֥ר וָאַ֖יִל בַּמִּזְבֵּֽחַ׃ wayaʿas balaq kaʾasher diber bileʿam wayaʿal balaq uvileʿam par waʾayil bamizebeaḥ׃

³ וַיֹּ֨אמֶר בִּלְעָ֜ם לְבָלָ֗ק הִתְיַצֵּב֮ עַל־עֹלָתֶךָ֒ וְאֵֽלְכָ֗ה אוּלַ֞י יִקָּרֵ֤ה יְהוָה֙ לִקְרָאתִ֔י וּדְבַ֥ר מַה־יַּרְאֵ֖נִי וְהִגַּ֣דְתִּי לָ֑ךְ וַיֵּ֖לֶךְ שֶֽׁפִי׃ wayoʾmer bileʿam levalaq hiteyatsev ʿal־ʿolatekha weʾelekhah ʾulay yiqareh yehwah liqeraʾtiy udevar mah־yareʾeniy wehigadetiy lakhe wayelekhe shefiy׃

⁴ וַיִּקָּ֥ר אֱלֹהִ֖ים אֶל־בִּלְעָ֑ם וַיֹּ֣אמֶר אֵלָ֗יו אֶת־שִׁבְעַ֤ת הַֽמִּזְבְּחֹת֙ עָרַ֔כְתִּי וָאַ֛עַל פָּ֥ר וָאַ֖יִל בַּמִּזְבֵּֽחַ׃ wayiqar ʾelohiym ʾel־bileʿam wayoʾmer ʾelayw ʾet־shiveʿat hamizebeḥot ʿarakhetiy waʾaʿal par waʾayil bamizebeaḥ׃

⁵ וַיָּ֧שֶׂם יְהוָ֛ה דָּבָ֖ר בְּפִ֣י בִלְעָ֑ם וַיֹּ֛אמֶר שׁ֥וּב אֶל־בָּלָ֖ק וְכֹ֥ה תְדַבֵּֽר׃ wayasem yehwah davar befiy vileʿam wayoʾmer shuv ʾel־balaq wekhoh tedaber׃

⁶ וַיָּ֣שָׁב אֵלָ֔יו וְהִנֵּ֥ה נִצָּ֖ב עַל־עֹלָתֹ֑ו ה֖וּא וְכָל־שָׂרֵ֥י מֹואָֽב׃ wayashav ʾelayw wehineh nitsav ʿal־ʿolatow huʾ wekhal־sarey mowʾav׃

⁷ וַיִּשָּׂ֥א מְשָׁלֹ֖ו וַיֹּאמַ֑ר מִן־אֲ֠רָם יַנְחֵ֨נִי בָלָ֤ק מֶֽלֶךְ־מֹואָב֙ מֵֽהַרְרֵי־קֶ֔דֶם לְכָה֙ אָֽרָה־לִּ֣י יַעֲקֹ֔ב וּלְכָ֖ה זֹעֲמָ֥ה יִשְׂרָאֵֽל׃ wayisaʾ meshalow wayoʾmar min־ʾaram yaneḥeniy valaq melekhe־mowʾav meharerey־qedem lekhah ʾarah־liy yaʿaqov ulekhah zoʿamah yiseraʾel׃

⁸ מָ֣ה אֶקֹּ֔ב לֹ֥א קַבֹּ֖ה אֵ֑ל וּמָ֣ה אֶזְעֹ֔ם לֹ֥א זָעַ֖ם יְהוָֽה׃ mah ʾeqov loʾ qaboh ʾel umah ʾezeʿom loʾ zaʿam yehwah׃

⁹ כִּֽי־מֵרֹ֤אשׁ צֻרִים֙ אֶרְאֶ֔נּוּ וּמִגְּבָעֹ֖ות אֲשׁוּרֶ֑נּוּ הֶן־עָם֙ לְבָדָ֣ד יִשְׁכֹּ֔ן וּבַגֹּויִ֖ם לֹ֥א יִתְחַשָּֽׁב׃ kiy־meroʾsh tsuriym ʾereʾenu umigevaʿowt ʾashurenu hen־ʿam levadad yishekon uvagowyim loʾ yiteḥashav׃

¹⁰ מִ֤י מָנָה֙ עֲפַ֣ר יַעֲקֹ֔ב וּמִסְפָּ֖ר אֶת־רֹ֣בַע יִשְׂרָאֵ֑ל תָּמֹ֤ת נַפְשִׁי֙ מֹ֣ות יְשָׁרִ֔ים וּתְהִ֥י אַחֲרִיתִ֖י כָּמֹֽהוּ׃ miy manah ʿafar yaʿaqov umisepar ʾet־rovaʿ yiseraʾel tamot nafeshiy mowt yeshariym utehiy ʾaḥariytiy kamohu׃

¹¹ וַיֹּ֤אמֶר בָּלָק֙ אֶל־בִּלְעָ֔ם מֶ֥ה עָשִׂ֖יתָ לִ֑י לָקֹ֤ב אֹיְבַי֙ לְקַחְתִּ֔יךָ וְהִנֵּ֖ה בֵּרַ֥כְתָּ בָרֵֽךְ׃ wayoʾmer balaq ʾel־bileʿam meh ʿasiyta liy laqov ʾoyevay leqaḥetiykha wehineh berakheta varekhe׃

¹² וַיַּ֖עַן וַיֹּאמַ֑ר הֲלֹ֗א אֵת֩ אֲשֶׁ֨ר יָשִׂ֤ים יְהוָה֙ בְּפִ֔י אֹתֹ֥ו אֶשְׁמֹ֖ר לְדַבֵּֽר׃ wayaʿan wayoʾmar haloʾ ʾet ʾasher yasiym yehwah befiy ʾotow ʾeshemor ledaber׃

Note · Nombres 23.1–12

La bénédiction ne répond pas à la commande

L’oracle refuse de maudire ce que Dieu ne maudit pas et décrit un peuple que le roi ne peut réduire à sa peur. Balaam formule même un désir concernant sa propre fin. Savoir prononcer une parole juste ne garantit cependant pas que toute sa conduite correspondra à ce qu’il énonce.

¹³ וַיֹּ֨אמֶר אֵלָ֜יו בָּלָ֗ק [לְךָ־ כ] (לְכָה־נָּ֨א ק) אִתִּ֜י אֶל־מָקֹ֤ום אַחֵר֙ אֲשֶׁ֣ר תִּרְאֶ֣נּוּ מִשָּׁ֔ם אֶ֚פֶס קָצֵ֣הוּ תִרְאֶ֔ה וְכֻלֹּ֖ו לֹ֣א תִרְאֶ֑ה וְקָבְנֹו־לִ֖י מִשָּֽׁם׃ wayoʾmer ʾelayw balaq [lekha־ kh] (lekhah־naʾ q) ʾitiy ʾel־maqowm ʾaḥer ʾasher tireʾenu misham ʾefes qatsehu tireʾeh wekhulow loʾ tireʾeh weqavenow־liy misham׃

¹⁴ וַיִּקָּחֵ֙הוּ֙ שְׂדֵ֣ה צֹפִ֔ים אֶל־רֹ֖אשׁ הַפִּסְגָּ֑ה וַיִּ֙בֶן֙ שִׁבְעָ֣ה מִזְבְּחֹ֔ת וַיַּ֛עַל פָּ֥ר וָאַ֖יִל בַּמִּזְבֵּֽחַ׃ wayiqaḥehu sedeh tsofiym ʾel־roʾsh hapisegah wayiven shiveʿah mizebeḥot wayaʿal par waʾayil bamizebeaḥ׃

¹⁵ וַיֹּ֙אמֶר֙ אֶל־בָּלָ֔ק הִתְיַצֵּ֥ב כֹּ֖ה עַל־עֹלָתֶ֑ךָ וְאָנֹכִ֖י אִקָּ֥רֶה כֹּֽה׃ wayoʾmer ʾel־balaq hiteyatsev koh ʿal־ʿolatekha weʾanokhiy ʾiqareh koh׃

¹⁶ וַיִּקָּ֤ר יְהוָה֙ אֶל־בִּלְעָ֔ם וַיָּ֥שֶׂם דָּבָ֖ר בְּפִ֑יו וַיֹּ֛אמֶר שׁ֥וּב אֶל־בָּלָ֖ק וְכֹ֥ה תְדַבֵּֽר׃ wayiqar yehwah ʾel־bileʿam wayasem davar befiyw wayoʾmer shuv ʾel־balaq wekhoh tedaber׃

¹⁷ וַיָּבֹ֣א אֵלָ֗יו וְהִנֹּ֤ו נִצָּב֙ עַל־עֹ֣לָתֹ֔ו וְשָׂרֵ֥י מֹואָ֖ב אִתֹּ֑ו וַיֹּ֤אמֶר לֹו֙ בָּלָ֔ק מַה־דִּבֶּ֖ר יְהוָֽה׃ wayavoʾ ʾelayw wehinow nitsav ʿal־ʿolatow wesarey mowʾav ʾitow wayoʾmer low balaq mah־diber yehwah׃

¹⁸ וַיִּשָּׂ֥א מְשָׁלֹ֖ו וַיֹּאמַ֑ר ק֤וּם בָּלָק֙ וּֽשֲׁמָ֔ע הַאֲזִ֥ינָה עָדַ֖י בְּנֹ֥ו צִפֹּֽר׃ wayisaʾ meshalow wayoʾmar qum balaq ushamaʿ haʾaziynah ʿaday benow tsipor׃

¹⁹ לֹ֣א אִ֥ישׁ אֵל֙ וִֽיכַזֵּ֔ב וּבֶן־אָדָ֖ם וְיִתְנֶחָ֑ם הַה֤וּא אָמַר֙ וְלֹ֣א יַעֲשֶׂ֔ה וְדִבֶּ֖ר וְלֹ֥א יְקִימֶֽנָּה׃ loʾ ʾiysh ʾel wiykhazev uven־ʾadam weyiteneḥam hahuʾ ʾamar weloʾ yaʿaseh wediber weloʾ yeqiymenah׃

²⁰ הִנֵּ֥ה בָרֵ֖ךְ לָקָ֑חְתִּי וּבֵרֵ֖ךְ וְלֹ֥א אֲשִׁיבֶֽנָּה׃ hineh varekhe laqaḥetiy uverekhe weloʾ ʾashiyvenah׃

²¹ לֹֽא־הִבִּ֥יט אָ֙וֶן֙ בְּיַעֲקֹ֔ב וְלֹא־רָאָ֥ה עָמָ֖ל בְּיִשְׂרָאֵ֑ל יְהוָ֤ה אֱלֹהָיו֙ עִמֹּ֔ו וּתְרוּעַ֥ת מֶ֖לֶךְ בֹּֽו׃ loʾ־hibiyṭ ʾawen beyaʿaqov weloʾ־raʾah ʿamal beyiseraʾel yehwah ʾelohayw ʿimow uteruʿat melekhe bow׃

²² אֵ֖ל מֹוצִיאָ֣ם מִמִּצְרָ֑יִם כְּתֹועֲפֹ֥ת רְאֵ֖ם לֹֽו׃ ʾel mowtsiyʾam mimitserayim ketowʿafot reʾem low׃

²³ כִּ֤י לֹא־נַ֙חַשׁ֙ בְּיַעֲקֹ֔ב וְלֹא־קֶ֖סֶם בְּיִשְׂרָאֵ֑ל כָּעֵ֗ת יֵאָמֵ֤ר לְיַעֲקֹב֙ וּלְיִשְׂרָאֵ֔ל מַה־פָּ֖עַל אֵֽל׃ kiy loʾ־naḥash beyaʿaqov weloʾ־qesem beyiseraʾel kaʿet yeʾamer leyaʿaqov uleyiseraʾel mah־paʿal ʾel׃

²⁴ הֶן־עָם֙ כְּלָבִ֣יא יָק֔וּם וְכַאֲרִ֖י יִתְנַשָּׂ֑א לֹ֤א יִשְׁכַּב֙ עַד־יֹ֣אכַל טֶ֔רֶף וְדַם־חֲלָלִ֖ים יִשְׁתֶּֽה׃ hen־ʿam kelaviyʾ yaqum wekhaʾariy yitenasaʾ loʾ yishekav ʿad־yoʾkhal ṭeref wedam־ḥalaliym yisheteh׃

Note · Nombres 23.13–24

La fidélité de Dieu résiste aux arrangements

Le second point de vue ne modifie pas le sens reçu. Les paroles sur la fiabilité de Dieu s’opposent ici au projet de manipulation. Elles ne suppriment pas les autres passages bibliques où Dieu répond à une intercession ; leur portée doit d’abord être lue dans ce conflit précis.

²⁵ וַיֹּ֤אמֶר בָּלָק֙ אֶל־בִּלְעָ֔ם גַּם־קֹ֖ב לֹ֣א תִקֳּבֶ֑נּוּ גַּם־בָּרֵ֖ךְ לֹ֥א תְבָרֲכֶֽנּוּ׃ wayoʾmer balaq ʾel־bileʿam gam־qov loʾ tiqovenu gam־barekhe loʾ tevarakhenu׃

²⁶ וַיַּ֣עַן בִּלְעָ֔ם וַיֹּ֖אמֶר אֶל־בָּלָ֑ק הֲלֹ֗א דִּבַּ֤רְתִּי אֵלֶ֙יךָ֙ לֵאמֹ֔ר כֹּ֛ל אֲשֶׁר־יְדַבֵּ֥ר יְהוָ֖ה אֹתֹ֥ו אֶֽעֱשֶֽׂה׃ wayaʿan bileʿam wayoʾmer ʾel־balaq haloʾ dibaretiy ʾeleykha leʾmor kol ʾasher־yedaber yehwah ʾotow ʾeʿeseh׃

²⁷ וַיֹּ֤אמֶר בָּלָק֙ אֶל־בִּלְעָ֔ם לְכָה־נָּא֙ אֶקָּ֣חֲךָ֔ אֶל־מָקֹ֖ום אַחֵ֑ר אוּלַ֤י יִישַׁר֙ בְּעֵינֵ֣י הָאֱלֹהִ֔ים וְקַבֹּ֥תֹו לִ֖י מִשָּֽׁם׃ wayoʾmer balaq ʾel־bileʿam lekhah־naʾ ʾeqaḥakha ʾel־maqowm ʾaḥer ʾulay yiyshar beʿeyney haʾelohiym weqabotow liy misham׃

²⁸ וַיִּקַּ֥ח בָּלָ֖ק אֶת־בִּלְעָ֑ם רֹ֣אשׁ הַפְּעֹ֔ור הַנִּשְׁקָ֖ף עַל־פְּנֵ֥י הַיְשִׁימֹֽן׃ wayiqaḥ balaq ʾet־bileʿam roʾsh hapeʿowr hanisheqaf ʿal־peney hayeshiymon׃

²⁹ וַיֹּ֤אמֶר בִּלְעָם֙ אֶל־בָּלָ֔ק בְּנֵה־לִ֥י בָזֶ֖ה שִׁבְעָ֣ה מִזְבְּחֹ֑ת וְהָכֵ֥ן לִי֙ בָּזֶ֔ה שִׁבְעָ֥ה פָרִ֖ים וְשִׁבְעָ֥ה אֵילִֽים׃ wayoʾmer bileʿam ʾel־balaq beneh־liy vazeh shiveʿah mizebeḥot wehakhen liy bazeh shiveʿah fariym weshiveʿah ʾeyliym׃

³⁰ וַיַּ֣עַשׂ בָּלָ֔ק כַּאֲשֶׁ֖ר אָמַ֣ר בִּלְעָ֑ם וַיַּ֛עַל פָּ֥ר וָאַ֖יִל בַּמִּזְבֵּֽחַ׃ wayaʿas balaq kaʾasher ʾamar bileʿam wayaʿal par waʾayil bamizebeaḥ׃

Note · Nombres 23.25–30

Le refus d’entendre relance les mêmes moyens

Balak demande au moins que Balaam ne bénisse plus, puis prépare un autre lieu. La répétition montre sa difficulté à accepter une parole qui ne sert pas son projet. La multiplication des actes religieux ne constitue pas, par elle-même, un approfondissement de l’écoute.