1 וַיֹּ֤אמֶר אֱלֹהִים֙ אֶֽל־יַעֲקֹ֔ב ק֛וּם עֲלֵ֥ה בֵֽית־אֵ֖ל וְשֶׁב־שָׁ֑ם וַעֲשֵׂה־שָׁ֣ם מִזְבֵּ֔חַ לָאֵל֙ הַנִּרְאֶ֣ה אֵלֶ֔יךָ בְּבָרְחֲךָ֔ מִפְּנֵ֖י עֵשָׂ֥ו אָחִֽיךָ׃ wayoʾmer ʾelohiym ʾel־yaʿaqov qum ʿaleh veyt־ʾel weshev־sham waʿaseh־sham mizebeaḥ laʾel hanireʾeh ʾeleykha bevareḥakha mipeney ʿesaw ʾaḥiykha׃
2 וַיֹּ֤אמֶר יַעֲקֹב֙ אֶל־בֵּיתֹ֔ו וְאֶ֖ל כָּל־אֲשֶׁ֣ר עִמֹּ֑ו הָסִ֜רוּ אֶת־אֱלֹהֵ֤י הַנֵּכָר֙ אֲשֶׁ֣ר בְּתֹכְכֶ֔ם וְהִֽטַּהֲר֔וּ וְהַחֲלִ֖יפוּ שִׂמְלֹתֵיכֶֽם׃ wayoʾmer yaʿaqov ʾel־beytow weʾel kal־ʾasher ʿimow hasiru ʾet־ʾelohey hanekhar ʾasher betokhekhem wehiṭaharu wehaḥaliyfu simeloteykhem׃
3 וְנָק֥וּמָה וְנַעֲלֶ֖ה בֵּֽית־אֵ֑ל וְאֶֽעֱשֶׂה־שָּׁ֣ם מִזְבֵּ֗חַ לָאֵ֞ל הָעֹנֶ֤ה אֹתִי֙ בְּיֹ֣ום צָֽרָתִ֔י וַיְהִי֙ עִמָּדִ֔י בַּדֶּ֖רֶךְ אֲשֶׁ֥ר הָלָֽכְתִּי׃ wenaqumah wenaʿaleh beyt־ʾel weʾeʿeseh־sham mizebeaḥ laʾel haʿoneh ʾotiy beyowm tsaratiy wayehiy ʿimadiy baderekhe ʾasher halakhetiy׃
4 וַיִּתְּנ֣וּ אֶֽל־יַעֲקֹ֗ב אֵ֣ת כָּל־אֱלֹהֵ֤י הַנֵּכָר֙ אֲשֶׁ֣ר בְּיָדָ֔ם וְאֶת־הַנְּזָמִ֖ים אֲשֶׁ֣ר בְּאָזְנֵיהֶ֑ם וַיִּטְמֹ֤ן אֹתָם֙ יַעֲקֹ֔ב תַּ֥חַת הָאֵלָ֖ה אֲשֶׁ֥ר עִם־שְׁכֶֽם׃ wayitenu ʾel־yaʿaqov ʾet kal־ʾelohey hanekhar ʾasher beyadam weʾet־hanezamiym ʾasher beʾazeneyhem wayiṭemon ʾotam yaʿaqov taḥat haʾelah ʾasher ʿim־shekhem׃
5 וַיִּסָּ֑עוּ וַיְהִ֣י ׀ חִתַּ֣ת אֱלֹהִ֗ים עַל־הֶֽעָרִים֙ אֲשֶׁר֙ סְבִיבֹ֣תֵיהֶ֔ם וְלֹ֣א רָֽדְפ֔וּ אַחֲרֵ֖י בְּנֵ֥י יַעֲקֹֽב׃ wayisaʿu wayehiy ׀ ḥitat ʾelohiym ʿal־heʿariym ʾasher seviyvoteyhem weloʾ radefu ʾaḥarey beney yaʿaqov׃
6 וַיָּבֹ֨א יַעֲקֹ֜ב ל֗וּזָה אֲשֶׁר֙ בְּאֶ֣רֶץ כְּנַ֔עַן הִ֖וא בֵּֽית־אֵ֑ל ה֖וּא וְכָל־הָעָ֥ם אֲשֶׁר־עִמֹּֽו׃ wayavoʾ yaʿaqov luzah ʾasher beʾerets kenaʿan hiwʾ beyt־ʾel huʾ wekhal־haʿam ʾasher־ʿimow׃
7 וַיִּ֤בֶן שָׁם֙ מִזְבֵּ֔חַ וַיִּקְרָא֙ לַמָּקֹ֔ום אֵ֖ל בֵּֽית־אֵ֑ל כִּ֣י שָׁ֗ם נִגְל֤וּ אֵלָיו֙ הָֽאֱלֹהִ֔ים בְּבָרְחֹ֖ו מִפְּנֵ֥י אָחִֽיו׃ wayiven sham mizebeaḥ wayiqeraʾ lamaqowm ʾel beyt־ʾel kiy sham nigelu ʾelayw haʾelohiym bevareḥow mipeney ʾaḥiyw׃
8 וַתָּ֤מָת דְּבֹרָה֙ מֵינֶ֣קֶת רִבְקָ֔ה וַתִּקָּבֵ֛ר מִתַּ֥חַת לְבֵֽית־אֵ֖ל תַּ֣חַת הָֽאַלֹּ֑ון וַיִּקְרָ֥א שְׁמֹ֖ו אַלֹּ֥ון בָּכֽוּת׃ פ watamat devorah meyneqet riveqah watiqaver mitaḥat leveyt־ʾel taḥat haʾalown wayiqeraʾ shemow ʾalown bakhut׃ f
Note · Genèse 35.1–8
Une maison appelée à changer
Jacob associe la montée à Béthel à une purification de sa maison. Les objets étrangers sont retirés. Le récit donne une forme collective à la réponse de foi, puis marque aussi la mort de Débora. Cette nourrice reçoit une mémoire propre, même si son histoire avait peu occupé le récit jusque-là.
9 וַיֵּרָ֨א אֱלֹהִ֤ים אֶֽל־יַעֲקֹב֙ עֹ֔וד בְּבֹאֹ֖ו מִפַּדַּ֣ן אֲרָ֑ם וַיְבָ֖רֶךְ אֹתֹֽו׃ wayeraʾ ʾelohiym ʾel־yaʿaqov ʿowd bevoʾow mipadan ʾaram wayevarekhe ʾotow׃
10 וַיֹּֽאמֶר־לֹ֥ו אֱלֹהִ֖ים שִׁמְךָ֣ יַעֲקֹ֑ב לֹֽא־יִקָּרֵא֩ שִׁמְךָ֨ עֹ֜וד יַעֲקֹ֗ב כִּ֤י אִם־יִשְׂרָאֵל֙ יִהְיֶ֣ה שְׁמֶ֔ךָ וַיִּקְרָ֥א אֶת־שְׁמֹ֖ו יִשְׂרָאֵֽל׃ wayoʾmer־low ʾelohiym shimekha yaʿaqov loʾ־yiqareʾ shimekha ʿowd yaʿaqov kiy ʾim־yiseraʾel yiheyeh shemekha wayiqeraʾ ʾet־shemow yiseraʾel׃
11 וַיֹּאמֶר֩ לֹ֨ו אֱלֹהִ֜ים אֲנִ֨י אֵ֤ל שַׁדַּי֙ פְּרֵ֣ה וּרְבֵ֔ה גֹּ֛וי וּקְהַ֥ל גֹּויִ֖ם יִהְיֶ֣ה מִמֶּ֑ךָּ וּמְלָכִ֖ים מֵחֲלָצֶ֥יךָ יֵצֵֽאוּ׃ wayoʾmer low ʾelohiym ʾaniy ʾel shaday pereh ureveh gowy uqehal gowyim yiheyeh mimeka umelakhiym meḥalatseykha yetseʾu׃
12 וְאֶת־הָאָ֗רֶץ אֲשֶׁ֥ר נָתַ֛תִּי לְאַבְרָהָ֥ם וּלְיִצְחָ֖ק לְךָ֣ אֶתְּנֶ֑נָּה וּֽלְזַרְעֲךָ֥ אַחֲרֶ֖יךָ אֶתֵּ֥ן אֶת־הָאָֽרֶץ׃ weʾet־haʾarets ʾasher natatiy leʾaveraham uleyitseḥaq lekha ʾetenenah ulezareʿakha ʾaḥareykha ʾeten ʾet־haʾarets׃
13 וַיַּ֥עַל מֵעָלָ֖יו אֱלֹהִ֑ים בַּמָּקֹ֖ום אֲשֶׁר־דִּבֶּ֥ר אִתֹּֽו׃ wayaʿal meʿalayw ʾelohiym bamaqowm ʾasher־diber ʾitow׃
14 וַיַּצֵּ֨ב יַעֲקֹ֜ב מַצֵּבָ֗ה בַּמָּקֹ֛ום אֲשֶׁר־דִּבֶּ֥ר אִתֹּ֖ו מַצֶּ֣בֶת אָ֑בֶן וַיַּסֵּ֤ךְ עָלֶ֙יהָ֙ נֶ֔סֶךְ וַיִּצֹ֥ק עָלֶ֖יהָ שָֽׁמֶן׃ wayatsev yaʿaqov matsevah bamaqowm ʾasher־diber ʾitow matsevet ʾaven wayasekhe ʿaleyha nesekhe wayitsoq ʿaleyha shamen׃
15 וַיִּקְרָ֨א יַעֲקֹ֜ב אֶת־שֵׁ֣ם הַמָּקֹ֗ום אֲשֶׁר֩ דִּבֶּ֨ר אִתֹּ֥ו שָׁ֛ם אֱלֹהִ֖ים בֵּֽית־אֵֽל׃ wayiqeraʾ yaʿaqov ʾet־shem hamaqowm ʾasher diber ʾitow sham ʾelohiym beyt־ʾel׃
Note · Genèse 35.9–15
Le nom confirmé et la promesse renouvelée
Dieu réaffirme le nom d’Israël et les promesses de fécondité et de pays. Cette confirmation fait suite aux crises plutôt qu’elle ne les nie. Le monument dressé par Jacob répond à la parole reçue ; il ne signifie pas que la présence de Dieu pourrait être possédée par un objet.
16 וַיִּסְעוּ֙ מִבֵּ֣ית אֵ֔ל וַֽיְהִי־עֹ֥וד כִּבְרַת־הָאָ֖רֶץ לָבֹ֣וא אֶפְרָ֑תָה וַתֵּ֥לֶד רָחֵ֖ל וַתְּקַ֥שׁ בְּלִדְתָּֽהּ׃ wayiseʿu mibeyt ʾel wayehiy־ʿowd kiverat־haʾarets lavowʾ ʾeferatah wateled raḥel wateqash belidetah׃
17 וַיְהִ֥י בְהַקְשֹׁתָ֖הּ בְּלִדְתָּ֑הּ וַתֹּ֨אמֶר לָ֤הּ הַמְיַלֶּ֙דֶת֙ אַל־תִּ֣ירְאִ֔י כִּֽי־גַם־זֶ֥ה לָ֖ךְ בֵּֽן׃ wayehiy vehaqeshotah belidetah watoʾmer lah hameyaledet ʾal־tiyreʾiy kiy־gam־zeh lakhe ben׃
18 וַיְהִ֞י בְּצֵ֤את נַפְשָׁהּ֙ כִּ֣י מֵ֔תָה וַתִּקְרָ֥א שְׁמֹ֖ו בֶּן־אֹונִ֑י וְאָבִ֖יו קָֽרָא־לֹ֥ו בִנְיָמִֽין׃ wayehiy betseʾt nafeshah kiy metah watiqeraʾ shemow ben־ʾowniy weʾaviyw qaraʾ־low vineyamiyn׃
19 וַתָּ֖מָת רָחֵ֑ל וַתִּקָּבֵר֙ בְּדֶ֣רֶךְ אֶפְרָ֔תָה הִ֖וא בֵּ֥ית לָֽחֶם׃ watamat raḥel watiqaver bederekhe ʾeferatah hiwʾ beyt laḥem׃
20 וַיַּצֵּ֧ב יַעֲקֹ֛ב מַצֵּבָ֖ה עַל־קְבֻרָתָ֑הּ הִ֛וא מַצֶּ֥בֶת קְבֻרַֽת־רָחֵ֖ל עַד־הַיֹּֽום׃ wayatsev yaʿaqov matsevah ʿal־qevuratah hiwʾ matsevet qevurat־raḥel ʿad־hayowm׃
21 וַיִּסַּ֖ע יִשְׂרָאֵ֑ל וַיֵּ֣ט אָֽהֳלֹ֔ה מֵהָ֖לְאָה לְמִגְדַּל־עֵֽדֶר׃ wayisaʿ yiseraʾel wayeṭ ʾaholoh mehaleʾah lemigedal־ʿeder׃
22 וַיְהִ֗י בִּשְׁכֹּ֤ן יִשְׂרָאֵל֙ בָּאָ֣רֶץ הַהִ֔וא וַיֵּ֣לֶךְ רְאוּבֵ֔ן וַיִּשְׁכַּ֕ב֙ אֶת־בִּלְהָ֖ה֙ פִּילֶ֣גֶשׁ אָבִ֑֔יו וַיִּשְׁמַ֖ע יִשְׂרָאֵֽ֑ל פ וַיִּֽהְי֥וּ בְנֵֽי־יַעֲקֹ֖ב שְׁנֵ֥ים עָשָֽׂר׃ wayehiy bishekon yiseraʾel baʾarets hahiwʾ wayelekhe reʾuven wayishekav ʾet־bilehah piylegesh ʾaviyw wayishemaʿ yiseraʾel f wayiheyu veney־yaʿaqov sheneym ʿasar׃
Note · Genèse 35.16–22
La naissance de Benjamin n’efface pas la mort de Rachel
Le récit unit une naissance et un deuil. Les noms proposés pour l’enfant portent ces regards différents sur l’événement. L’acte de Ruben envers Bilha est ensuite signalé brièvement et sera rappelé en Genèse 49. Le texte ne rapporte pas le consentement de Bilha et ne permet pas de l’imaginer pour atténuer la gravité de la scène.
23 בְּנֵ֣י לֵאָ֔ה בְּכֹ֥ור יַעֲקֹ֖ב רְאוּבֵ֑ן וְשִׁמְעֹון֙ וְלֵוִ֣י וִֽיהוּדָ֔ה וְיִשָּׂשכָ֖ר וּזְבוּלֻֽן׃ beney leʾah bekhowr yaʿaqov reʾuven weshimeʿown welewiy wiyhudah weyisashkhar uzevulun׃
24 בְּנֵ֣י רָחֵ֔ל יֹוסֵ֖ף וּבִנְיָמִֽן׃ beney raḥel yowsef uvineyamin׃
25 וּבְנֵ֤י בִלְהָה֙ שִׁפְחַ֣ת רָחֵ֔ל דָּ֖ן וְנַפְתָּלִֽי׃ uveney vilehah shifeḥat raḥel dan wenafetaliy׃
26 וּבְנֵ֥י זִלְפָּ֛ה שִׁפְחַ֥ת לֵאָ֖ה גָּ֣ד וְאָשֵׁ֑ר אֵ֚לֶּה בְּנֵ֣י יַעֲקֹ֔ב אֲשֶׁ֥ר יֻלַּד־לֹ֖ו בְּפַדַּ֥ן אֲרָֽם׃ uveney zilepah shifeḥat leʾah gad weʾasher ʾeleh beney yaʿaqov ʾasher yulad־low befadan ʾaram׃
27 וַיָּבֹ֤א יַעֲקֹב֙ אֶל־יִצְחָ֣ק אָבִ֔יו מַמְרֵ֖א קִרְיַ֣ת הָֽאַרְבַּ֑ע הִ֣וא חֶבְרֹ֔ון אֲשֶׁר־גָּֽר־שָׁ֥ם אַבְרָהָ֖ם וְיִצְחָֽק׃ wayavoʾ yaʿaqov ʾel־yitseḥaq ʾaviyw mamereʾ qireyat haʾarebaʿ hiwʾ ḥeverown ʾasher־gar־sham ʾaveraham weyitseḥaq׃
28 וַיִּֽהְי֖וּ יְמֵ֣י יִצְחָ֑ק מְאַ֥ת שָׁנָ֖ה וּשְׁמֹנִ֥ים שָׁנָֽה׃ wayiheyu yemey yitseḥaq meʾat shanah ushemoniym shanah׃
29 וַיִּגְוַ֨ע יִצְחָ֤ק וַיָּ֙מָת֙ וַיֵּאָ֣סֶף אֶל־עַמָּ֔יו זָקֵ֖ן וּשְׂבַ֣ע יָמִ֑ים וַיִּקְבְּר֣וּ אֹתֹ֔ו עֵשָׂ֥ו וְיַעֲקֹ֖ב בָּנָֽיו׃ פ wayigewaʿ yitseḥaq wayamat wayeʾasef ʾel־ʿamayw zaqen usevaʿ yamiym wayiqeberu ʾotow ʿesaw weyaʿaqov banayw׃ f
Note · Genèse 35.23–29
Une famille réunie autour d’un mort
La liste des fils reprend les différentes maternités de la maison. Jacob et Ésaü ensevelissent Isaac ensemble. Comme lors de la mort d’Abraham, un geste commun demeure possible entre deux frères dont les routes et les descendances sont distinctes.
